Skleroterapiyanın fəsadları
Skleroterapiyanın fəsadları varmı? Həkim-fleboloqlar aşağı ətrafların varikoz genişlənmiş damarlarının ilkin formalarını Skleroterapiya proseduru ilə müalicə edirlər. İlkin formalar CEAR beynəlxalq təsnifatına əsasən C0 və C1 mərhələlərini əhatə edir. Lakin Skleroterapiya üsulu ilə müalicə varikoz damarlarının daha da inkişaf etmiş mərhələlərində də istifadə oluna bilər. Məsələn, C2 mərhələsindən başlayaraq qan dövranı sistemindən varikoz genişlənmiş damarları aradan qaldırmaq üçün cərrahi müalicə təyin edilir. Cərrahiyyə prosedurunu yerinə yetirdikdən sonra dəri səthində qalan genişlənmiş kapilyarlar Skleroterapiya proseduru ilə aradan qaldırıla bilinir.
Skleroterapiya üsulu ilə varikoz damarlar necə müalicə olunur?
Skleroterapiya seansından əvvəl, həkim-fleboloqlar pasiyentə qarşıdakı prosedurun bütün nüanslarını izah edir. Həkimin əhatə etdiyi əsas məsələlərdən biri də kapilyar torların yox olma müddətidir. Dərman damarlara inyeksiya edildikdən dərhal sonra damarların rəngi dəyişir və demək olar ki, görünməz olur. Amma bu son nəticə deyildir. Prosedurun ertəsi günü kapilyar torların yerində kiçik bir göyərmə meydana gəlir. Bu, qan damarlarının məhv olduğunu göstərir və normal bir proses sayılır. Göyərmə iki-üç həftədən sonra (pasiyentin dərisinin fərdi xüsusiyyətlərindən asılı olaraq) aradan qalxır. Həmçinin həkim-fleboloq prosedur gedişi ərzində Skleroterapiya prosedurundan sonra sıxılma trikotajının istifadəsinin əhəmiyyətini izah edir.
Həkim-fleboloqun digər bir əsas vəzifəsi kapilyar torların tamamilə çıxarılması üçün Skleroterapiya prosedurunun lazımlı sayını təyin etməkdir. Hər bir pasiyent üçün kapilyar torların inkişaf səviyyəsinə və zərərin miqdarına görə müxtəlif sayda seanslar təyin edilir. Həkim-fleboloq pasiyentin allergik tarixini dəqiqləşdirir (Nadir hallarda Skleroterapiyada istifadə edilən dərman allergik reaksiyalara səbəb ola bilir.).
Skleroterapiyanın fəsadları hansı səbəbdən ola bilir?
Skleroterapiyanın fəsadları prosedur müddətində sklerozantın dərialtı tətbiqi zamanı baş verə bilər. Belə bir fəsad preparatın düzgün tətbiq olunmamasından yaranır. Normalda sklerozant damar boşluğuna daxil edilir. Lakin bəzi hallarda dərman damar xaricinə çıxa bilər. Bu vəziyyətdə ağrı və qızartı inyeksiya olunan nahiyədə baş verir. Yaxşı ki, belə bir fəsad pasiyentlərdə çox nadir hallarda rast gəlinir. Skleroterapiya proseduru ümumiyyətlə varikoz genişlənmiş damarlarının müalicəsi üçün təhlükəsiz bir üsul sayılır. Skleroterapiya proseduru bütün dünyada uğurla istifadə olunur və bu haqda həm fleboloqların, həm də pasiyentlərin müsbət rəyi vardır.
