Skleroterapiya nədir və nə zaman istifadə olunur?

Skleroterapiya dəri səthində qırmızı rəngli kapilyarlar – “damar ulduzcuqları” olduqda, həkim-fleboloq tərəfindən məsləhət bilinən bir üsuldur. Ayaqlarda damar ulduzcuqlarının müalicə edilməli olduğunun bir neçə vacib səbəbi vardır.

• Birincisi, “damar ulduzcuqlar” problemi dəri səthində kapilyarların və kiçik damarların görünüşü ilə əlaqədar aşağı ətrafların estetik görünüşünü əhəmiyyətli dərəcədə pisləşdirir. Bununla yanaşı, nəzərə alınmalıdır ki, “damar ulduzcuqları” problemi ən çox qadınlara aiddir.
• İkincisi, estetik problemlərə əlavə olaraq, kapilyar torun görünüşü damar divarının zəifliyini göstərir. Damar divarının zəifliyi aşağı ətrafların varikoz genişlənmiş damarlarının əsas səbəblərindən biri sayılır. Buna görə də həkim-fleboloqa vaxtında müalicə üçün müraciət edildikdə, varikoz genişlənmiş damarların şiddətli formada inkişafı ehtimalı azalır və ayaqlarınızın gözəlliyini və sağlamlığını qoruyub saxlamağa imkan verir.

Skleroterapiya nə zaman istifadə olunur?

Aşağı ətraflarda “damar ulduzcuqları” olduqda həkim-fleboloqlar Skleroterapiya kimi bir müalicə üsulunu tez-tez tövsiyyə edirlər. Skleroterapiya varikoz genişlənmiş damarların ilkin formasının müalicəsi üçün qeyri-cərrahi üsuldur. Skleroterapiya üsulu, dərmanın genişlənmiş kapilyar boşluğuna və patoloji əvəz edilmiş damarlara daxil edilməsinə əsaslanır. Daha tez-tez texniki köpük Skleroterapiyası istifadə olunur. Bu, sklerozantın bir damara tətbiq edildiyi zaman köpük halında olduğu anlamına gəlir. Bu üsul damarların və damar divarlarının ən keyfiyyətli əlaqəsini təmin edir. Dərman damarın divarları ilə təmasda olduqda reaksiya meydana gəlir, bunun nəticəsində damar divarları birlikdə yapışdırılır. Vaxt keçdikcə müalicə olunan damar və kapilyarlar yoxa çıxır və yerləşdiyi nahiyələrdə heç bir iz qalmır.

Prosedur zamanı lokal anesteziyadan istifadə edilir.

Preparat (sklerozant) nazik iynənin köməyi ilə damar boşluğuna daxil edilir və pasiyentdə ağrı hissi olmur. Skleroterapiya proseduru ilə müalicə pasiyentin xəstəxanaya yerləşdirilməsini tələb etmir və poliklinika əsasında həyata keçirilir. Yəni pasiyent üçün əlverişli bir gün seçilir və klinikaya dəvət edilir. Dərini antiseptik bir maddə ilə təmizləyən həkim-fleboloq (infeksiya ağırlaşmasının inkişafından qaçmaq üçün) Skleroterapiya proseduruna başlayır. Bu zaman pasiyent uzanmış vəziyyətdə mövqe tutur. Skleroterapiyanın bir seansında preparat məhdud miqdarda tətbiq edilə bilər. Buna görə də Skleroterapiyanın bir seansında bütün patoloji olaraq dəyişilmiş kiçik damar və kapilyarlardan daimi xilas olmaq mümkün olmur. Həkim-fleboloq prosedura hər bir pasiyent üçün fərdi olaraq yanaşır. Davamı: Skleroterapiyanın fəsadları